ജി.അശോക് കുമാർ കർത്ത
ശബരിമല മേൽശാന്തിയുടെ മുറിയിലെ നെയ്ക്കച്ചോടം ഹൈക്കോടതി ഇടപെട്ട് നിർത്തിച്ചത് ഉചിതമായി.
മാധ്യമങ്ങളിൽ കണ്ട കുപ്പി’ക്ക് നൂറ് രൂപാ എന്നത് വിശ്വസിക്കാൻ പ്രയാസം. അല്ലെങ്കിൽ 10 ml ൻ്റെ കുപ്പിയായിരിക്കും. ശബരിമലയിലെ പല സാധനങ്ങളുടേയും ഇടനിലക്കാർ മാപ്രകളാണ്. അവർ ആളെ കൊണ്ടു വന്നാൽ നടയുടെ മുന്നിൽ നിർത്തി തൊഴീക്കും. പ്രസാദവും വാങ്ങിക്കൊടുക്കും. പക്ഷെ അതിൻ്റെ നന്ദിയൊന്നും ശബരിമലയിലെ തൊരപ്പന്മാരോടില്ല. ശബരിമല കളവ് വാർത്തകളൊക്കെ വലിയ ന്യായസ്ഥരെ പോലാണ് കൊടുക്കുന്നത്. അതിനു പണി കിട്ടും. കർമ്മഫലം പോവില്ല. അതു കൊണ്ടാണ് അപകടം പറ്റി സീസണിൽ ചിലർ വീട്ടിൽ കിടക്കുന്നത്. ബാക്കിയുള്ളവർക്ക് പിന്നാലേ തരും.
വിഷയം അതല്ല.
മേൽശാന്തി നിയമനം നറുക്കിട്ട് എടുക്കുന്നത് നിർത്തണം.
നറുക്ക് വീണ ശാന്തി പൂജചെയ്താലേ സ്വീകരിക്കു എന്നു അയ്യപ്പൻ എവിടേലും വെളിപ്പെടുത്തിയിട്ടുണ്ടോ?
ശബരിമലയിലെ സകല കൊള്ളയുടേയും ആണിക്കല്ല് പുറമേ നിന്നു വിളിച്ച് കേറ്റുന്ന മേൽശാന്തിയാണ്. ചെട്ടികുളങ്ങരയും, മലയാലപ്പുഴയും, മറ്റ് ചില ക്ഷേത്രങ്ങളിലും അത് തന്നെ! അവിടുന്നു എന്തൊക്കെ പോയിട്ടുണ്ട് എന്നു പിന്നാലെ അറിയാം.
ദേവസ്വം ബോർഡ് ക്ഷേത്രങ്ങളിൽ യോഗ്യരായ പൂജാരികൾ ഇല്ലാഞ്ഞിട്ടാണോ പുറത്ത് നിന്നു എടുക്കുന്നത്?
ബോർഡിനു ശാന്തിക്കാരുടെ ഒരു ഗ്രഡേഷൻ ലിസ്റ്റുണ്ട്. പ്രമോഷനും ഗ്രേഡും കൊടുക്കുന്നത് അത് വച്ചാണ്. അതിൽ നിന്നു ഏറ്റവും കൂടുതൽ സർവ്വീസ് ഉള്ളവരെ ശബരിമലയിലും ചെട്ടികുളങ്ങരയിലും മലയാലപ്പുഴയും ശാന്തിയായി നിയമിക്കണം. ചാർജ് എടുക്കുന്നതിനു ഒരു മാസം മുമ്പ് റിഫ്രഷർ കോഴ്സ് കൊടുക്കാം. അല്ലാതെ ഏതെങ്കിലും പ്രൈവറ്റ് അമ്പലത്തിൽ കല്ലുകഴുകി നടന്നവരെ പിടിച്ച് ശബരി മേൽശാന്തിയാക്കുന്നത് അവർക്ക് എന്തെങ്കിലും കൂടുതൽ അറിഞ്ഞിട്ടാണോ?
കാര്യം ജനത്തിനറിയാം.
ഇങ്ങനെ കാശടിക്കാൻ വരുന്ന ‘മലയാള ബ്രാഹ്മണ’ൻ്റെ പിന്നത്തെ തള്ളാണ് സഹിക്കാൻ പറ്റാത്തത്.
‘എല്ലാം അയ്യപ്പൻ്റെ അനുഗ്രഹം’
‘ ഗർഭത്തിൽ കിടന്നപ്പോൾ തൊട്ട് ഞാൻ പ്രാർത്ഥിച്ചതാണ്’
മണികണ്ഠസ്വാമി നേരിട്ട് വിളിച്ചു.
ഹിരണ്യം കണ്ട് മോഹിച്ചിട്ടാണെന്നു ഒരാളും പറഞ്ഞില്ല. ഇത്ര ആവേശമാണ് എങ്കിൽ വിഷ്ണുനാരായണൻ നമ്പൂതിരി സാറ് ചെയ്ത പോലെ സൗജന്യമായി ചെയ്ത് കൊടുത്തു കൂടെ? ദക്ഷിണ കണക്കെഴുതി ഭണ്ഡാരത്തിലും ഇട്.
ബോർഡ് അമ്പലങ്ങളിൽ പൂവെറിഞ്ഞും, അരിവച്ചും, വിഗ്രഹം കഴുകിയും കഴിഞ്ഞവർക്ക് കാശ് പുളിക്കുമോ?
പുറത്തു നിന്നു നിയമിക്കപ്പെടുന്നവർ കൊണ്ടു വരുന്ന സിൽബന്തികളുടെ പുറത്ത് ബോർഡിനു എന്തെങ്കിലും നിയന്ത്രണം ഉണ്ടോ?
മേൽശാന്തിക്ക് കച്ചോടം നടത്താനുള്ള സഹായികളാണ് അവർ!
നെയ്യ്, കൂർച്ചം, ഉണ്ണിയപ്പം, പാനകം എന്ത് വേണമെങ്കിലും മുന്തിയവിലയ്ക്ക് അവർ കച്ചോടമാക്കി കൊടുക്കും. കൃത്യമായ കണക്കുണ്ട്. വീതം എത്തേണ്ടിടത്ത് എത്തിച്ച് കൊടുക്കും.
നടപ്പന്തൽ കഴുകി വൃത്തിയാക്കാനുള്ള താൽക്കാലികക്കാരെ എടുക്കുമ്പോൾ പോലും പോലീസ് ക്ലിയറൻസ് വേണം. തന്ത്രി, മേൽശാന്തി സിൽബന്തികളോട് അതാവശ്യപ്പെടാറുണ്ടോ? ആരൊക്കെ ആണ് വരുന്നതെന്നു ആർക്കറിയാം? പിടികിട്ടാപ്പുള്ളികൾക്ക് പോലും ഒരു പൂണൂലിട്ടാൽ തന്ത്രിയുടേയോ ശാന്തിയുടേയോ കീഴിൽ സുരക്ഷിതരായി കഴിയാം. അയ്യപ്പൻ്റെ വിഗ്രഹം കളവ് പോകാത്തത് ഭക്തരുടെ ഭാഗ്യം.
മേൽശാന്തിയേയും സഹായികളേയും ബോർഡിൽ നിന്നും നിയമിക്കണമെന്നു പറഞ്ഞാൽ ഞങ്ങളെന്താ ഉ… ഉണ്ണാൻ ഇരിക്കുകയാണോന്നാരും ചോദിക്കരുത്. പുറംശാന്തിക്ക് ബോർഡിൽ നിന്നു സഹായിയെ നിയമിക്കാൻ പറഞ്ഞാൽ കച്ചോടത്തിൻ്റെ കെമിസ്ട്രി ശരിയാവത്തില്ല.
പക്ഷെ ഭരണ ഘടനയും സർവീസ് ചട്ടവും ശരിയാകും. കോടതിയും കേസും ഉണ്ടാവില്ല.
അതൊക്കെ സെക്രട്ടറിയേറ്റിൽ മതി. അഡി. ചീഫ് സെക്രട്ടറിയേയോ അഡി. ഡി.ജി.പിയേയോ അവിടെ നിയമിച്ചോ. ശബരി മലയിൽ വേണ്ട. അതിനു മുഖമില്ലാത്തവർ മതി എന്ന നിലപാട് എന്നു മാറും?
ശബരിമല ക്രമീകരിക്കാൻ തീരുമാനിച്ച് നിയോഗിക്കപ്പെട്ട കെ.ജയകുമാർ സാറിനു ഇത് ചെയ്യാന്നതേയുള്ളു. അല്ലെങ്കിൽ കോടതി ഇടപെടണം.
മേൽ ശാന്തിയും സഹായികളും ബോർഡിൽ നിന്നു മതി എന്നു തീരുമാനിക്കാൻ ഇതാണ് അവസരം. ഇപ്പഴേ പറ്റു.
അയ്യപ്പാ!